(ВИДЕО) Додека болницата гореше лекарите извршија операција на отворено срце
Во Русија, во градот Благовешченск хирурзите и медицинските сестри оперираа додека болницата гореше.
Покривот на болницата беше зафатен од пожар поради краток спој и 67 пациенти беа веднаш евакуирани. Но, медицинските работници, по цели два часа, успешно извршија операција на отворено срце. Имено, тие само што ја започнаа операцијата кога избувна пожарот, пренесува „Сибир Тајмс“.
Во овој потфат им помогнаа и пожарникарите, тие ја исклучија централната вентилација за да не се прошири пожарот и наместо тоа, тие инсталираа електрични вентилатори во ходниците на болницата. Кон крајот на операцијата, пожарот беше изгаснат. Повредени нема.
Слично
Поврзани вести
