Воениот руски авион од типот СУ-24 е соборен близу сириската граница, откако по 10 предупредувања не го напушти воздушниот простор на Турција – тврдат турските власти објаснувајќи го соборувањето на авионот.

„Два турски „ловци” од типот F-16 утрово околу 9 и 30 го пресретнаа рускиот авион и го соборија” – велат од Генералштабот на вооружени сили на Турција.

Меѓутоа, рускиот претседател негираше и остро го осуди овој напад на Турција опишувајќи го како “забивање нож во грбот”.

Тој тврди дека турскиот авион го соборил рускиот иако летал километри подалеку од турската граница и не претставувал опасност за безбедноста на Турција.

Путин додава дека цел на авионот била провинцијата Латакија во Сирија и терористичките бази во неа.

Русија одма прати воени хеликоптери да трагаат по пилотите, кои според некои извори загинаа пред падот на леталото, а според други тие се заробени од џихадистите, кои наводно го убиле едниот пилот.