Крвав петок! Денешниот ден ќе остане запишан со црвени букви како еден од најтрагичните во оваа година. Црн петок почна со монструозно убиство во Франција, продолжи со страшно крвопролевање во Тунис и бомбашки напад на џамија во Кувајт. Црниот баланс на овие ужасни злосторства е повеќе од 40 мртви. Во Тунис на плажа се убиени најмалку 27 луѓе, во џамија во Кувајт настрадале најмалку 13, додека во Франција е убиено едно лице. За некои од овие злосторства одговорноста ја презеде Исламската држава. Исто така, напаѓач во Гренобл на местото на злосторот оставил знаме на таа екстремистичка група.   Да потсетиме... Терористи на Исламската држава ги повикаа своите следбеници во текот на муслиманскиот свет месец Рамазан, кој почна минатата недела со зголемување на нападите на христијани, како и шиите и суните кои се борат на страна на коалицијата, предводена од САД. Дека нивните следбеници ја послушале наредбата јасно сведочат и денешните настани во Франција и Тунис и Кувајт. [embed width="700" height="450" ]https://youtu.be/Dea580ybrtI[/embed] Во Греноблл извесен Јасин Сали околу 10 часот извршил терористички напад на фабрика за гас. При таа прилика тој ја отсекол главата на еден човек. Во Тунис, напаѓачи со брод нападнале туристи пукајќи ги со калапникови кои уживале на плажа . Страшен злостор денес се случи и во шиитската џамија Имам Ал-Садек во Кувајт. Бомбаш самоубиец во текот на молитвата активирал експлозив и усмртил најмалку 13 лица. Покрај сето тоа, и во нашето соседство се случил инцидент. Вооружен маж излегол на улиците на Мостар и пукал на полицијата.