Унгарската полиција превзеде крути мерки за да не дозволи бунт на бегалците од кампот во јужниот дел на земјата. Мигрантите во гратчето Реске се обиделе да излезат и да тргнат кон Австрија при што избиле судири, помеѓу бегалците кои фрлале со камења по полицијата, а полицијата возвратила со употреба на солзавец.

Претходно денеска беше соопштено дека 300 лица кои ја напуштиле зоната на кампот, незадоволни од бавното разгледување на документите за добивање на статус и да бидат примени во Германија. Тие сепак биле пресретнати и вратени назад од унгарските сили за безбедност.

И покрај обидите на унгарската полиција да ја задржи ситуацијата под контрола, одделни групи веќе го напуштиле кампот и се упатиле пеш кон соседна Австрија. Најголемата колона е од околу 3000 луѓе и се движат по автомобилскиот автопат кон Виена. До австриската граница бегалците треба да поминат околу 150 километри.

Тензиите нагло ескалирале и во унгарската престолнина, каде што групата фудбалски навивачи нападнала групи мигранти околу станицата во Будимпешта „келеш“, соопшти „rt.com“. Навивачите фрлале по бегалците со димни бомби и со шишиња, тие им одговориле со фрлање на чевли и шишиња минерална вода.