За време на прославата на новогодишната ноќ една припадничка на француската полиција била брутално претепана од група на млади насилници кои ја клоцале на земја, а видеото се појави и на социјалните мрежи.

Причина за нападот во предградието на Париз е што поголема група на млади луѓе не била примена на приватна забава по што била повикана и полицијата да се справи со гневната толпа сочинета од околу 400 лица.

Ваквиот напад го налути францускиот претседател Макрон кој напаѓачите ги нарече кукавици и дека истите ќе бидат пронајдени и казнети. 

На новогодишната ноќ околу 1000 автомобили биле запалени низ цела Франција, а забележани се голем број на разбојништва, тепачки и напади.