Во протестите во Каталонија има 34 лица повредени, и четворица уапсени. 

Триесет и четири лица, меѓу кои 12 полицајци, се повредени во судирите помеѓу полицијата и приврзаници на независноста на Каталонија, кои денеска ги блокираа  главните сообраќајници. 

Генералниот штрајк го организираа синдикати и студентски здруженија, кои бараат независност на Каталонија.

Во близина на железничката станица демонстрантите со камења ја гаѓаа полицијата, која возврати со солзавец и палки.

Бараат 35-часовна работна недела и зголемување на минималната плата, но има и големо незадоволството кон централната власт поради судењето на лидерите на каталонските сепаратисти.

7,5 милиони жители на Каталонија се поделени во однос на прашањето за отцепување од Шпанија, покажуваат анкетите.