Откако не успеал да ја плати казната од 750 евра за сообраќаен прекршок, Давид Стојчевски бил осуден на 30 дена затворска казна.

Триесет и три годишниот Давид, за две недели изгубил 25 килограми, а бидејќи бил зависник од метадон бил префрлен сам во ќелија со 24 часовен надзор поради превенција од евентуални нагони на самоубиство. Според правилата, во таа ќелија тој е сосема гол.

Но, полицискиот надзор не бил постојан, па така во најголемите кризи на Давид никој не реагира.

Видеото што е со вознемирувачка содржина, а го објави неговото семејство, може да се видат последните мигови на Давид поминати во агонија. Тој чудно се однесува, халуцинира и лежи на подот, но од другата страна нема реакција. И покрај јасните знаци на кризи, властите на затворот не му ја дале метадонската терапија.

- Тоа може да биде твојот син или мојот син и сум шокирана, искрено сум шокирана да мислам дека сме во Обединетите американски држави, изјави Дона Роквел, Затворски психолог и експерт за зависности.

Една година по смртта на Давид, неговото семејство одлучува да покрене тужба против американските затворски власти, а видеото го објавиле само за да покажат пред јавноста што се случува во затворите.