Британскиот премиер Дејвид Камерон пресече - Велика Британија нема да издвои дополнителни 2,1 милијарди евра за буџетот на ЕУ до 1 декември, како што бараше Европската комисија. Камерон пред битанскиот Парламент најави дека Лондон има намера да ја оспорува висината на придонесот што го бара Брисел. Но, ЕУ не е подготвена да прави отстапки, стравувајќи дека доколку и попушти на Велика Британија во однос на буџетските придонеси, тоа ќе го побараат и останатите земји-членки. Еврокомесарот за буџет Јацек Доминик најави дека Брисел е подготвен да воведе санкции против Обединетото Кралство доколку земјата до 1 декември не си ги исплати обврските. Одлуката за тоа колкаво ќе биде учеството на една земја-членка во европскиот буџет се носи врз основа на статистичките податоци за нејзиниот БДП.