Неформалните разговори за односите меѓу Велика Британија и ЕУ по Брегзит можат да бидат започнати уште од следната недела, ако останатите 27 држави се согласуваат, изјави министерот за надворешни работи на Велика Британија, Филип Хамонд.

Тој ги повика другите членки на ЕУ да се откажат од упорноста да не бидат спроведени дискусии пред формалното активирање на чл. 50 од Лисабонскиот договор, со што ќе започне двегодишното одбројување по напуштањето на унијата. Според министерот за надворешни работи, започнувањето на разговори може да помогне за прекин на несигурноста за статусот на европските граѓани во Велика Британија и на британските граѓани во ЕУ.

Неговите апели доаѓаат по коментарите на Џејмс Броукеншар, министерот за имиграција дека Велика Британија не користи европските граѓани во земјата како "адут" пред очекуваните тешки преговори со Брисел.

Таквиот чекор може да има несакани ефекти и да ја стимулира европската имиграција во Обединетото Кралство, додаде тој.