Омикрон, варијанта на коронавирусот, може делумно да ја избегне заштитата од вакцината против Ковид-19 произведена од Фајзер и Бајонтек, објави Блумбег.

Ова избегнување на вакцината не е целосно и третата доза би можела да обезбеди дополнителна заштита, се вели во извештајот на Блумберг, кој се однесува на Алекс Сигал, шеф на лабораторијата на Институтот за здравствени истражувања во Африка во Јужна Африка, пренесува Ројтерс.

Варијантата Омикрон, која првпат беше откриена во Јужна Африка минатиот месец, предизвика глобален аларм поради уште еден можен бран на инфекција, при што повеќе од 20 земји, од Јапонија до САД, веќе пријавија случаи.

Светската здравствена организација на 26 ноември го класифицира Омикрон како загрижувачка варијанта, но изјави дека нема докази за поддршка на потребата од нови вакцини специјално дизајнирани за борба против новиот вид, кој се карактеризира со бројни мутации.