Банката на Ватикан или попозната како Институт за религиозни работи, денеска за прв пат објави годишен извештај, според кој, банката минатата година остварила профит од 86, 6 милиони евра, што е за четири пати повеќе во однос на 20,3 милиони од 2011 година. - Со објавувањето на годишниот извештај ја исполнуваме обврската нашите активности да ги направиме транспарентни, што оправдано го очекуваат клиентите, власта на Ватикан, поврзаните банки и јавноста - изјави претседателот на банката Ернст Фон Фрејберг. Папата Франциско во август наложи засилени мерки со цел на банката да и се оневозможи затајување, перење пари и финансирање на тероризмот, пренесе ДПА.