Прелиминарната истрага за оштетувањето на двата гасоводи „Северен тек“ во данскиот дел на Балтичкото Море покажува дека истекувањето било предизвикано од „силни експлозии“, соопшти полицијата во Копенхаген.

Истрагата за прекините на гасоводите Северен тек 1 и 2 на 26. септември во ексклузивната економска зона на Данска треба заеднички да ја водат полицијата во Копенхаген и Данската безбедносна разузнавачка служба, наведува Ројтерс.

„Сè уште е рано да се каже нешто за рамката според која ќе се одвива меѓународната соработка, на пример, со Шведска и Германија, бидејќи тоа зависи од неколку актери“, соопшти полицијата во Копенхаген.

pic.twitter.com/zTFJa07zyO

— AZ (@AZgeopolitics) October 18, 2022

Шведска ги отфрли плановите за заедничка истрага со Данска и Германија за неодамнешните експлозии на гасоводите Северен тек 1 и 2, објави во петокот неделникот „Шпигел“, повикувајќи се на германски безбедносни извори.

Шведска одлучи дека не може да ги сподели наодите од својата истрага со други земји од безбедносни причини, пишува весникот, а пренесува Ројтерс. 

UPDATE

Swedish journalists got permission to image one of the Nord Stream explosion sites using an underwater drone (ROV)

Caution against listening to the impending wave of explosives experts on Twitter

Their article (in Swedish) https://t.co/lpUvF0NIEi pic.twitter.com/aAkSeva0zf

— H I Sutton (@CovertShores) October 18, 2022

Русија во средата објави дека испратила жалба до дипломатите на Германија, Данска и Шведска бидејќи претставниците на Москва и Гаспром не биле поканети да се приклучат на истрагата за истекувањето на гасоводот што води од Русија кон Европа.

Причината за оштетувањето на гасоводот „Северен тек“ останува нејасна, но земјите од Европската унија претходно соопштија дека се сомневаат во саботажа, додека Русија ги нарече инцидентите „акт на меѓународен тероризам“ и го обвини Западот за истекувањето.