Француските власти го утврдија идентитетот на еден од терористите, соопшти градскиот обвинител Франсоа Моленс.

„Благодарение на отпечатоците од прстите беше утврден идентитетот на еден од напаѓачите. Тој е регистриран во базата на податоци на француските специјални служби“, изјавил Моленс.

Тој исто така додал дека во крвавата пукотница во француската престолнина учествувале три терористички тимови. Обвинителот потврдил дека е пронајден сириски пасош на едно од местата на нападите, а исто така, дека во нападот на концертната сала „Батаклан“ терористите се споменати Ирак и Сирија.

Веќе се идентификувани некои од странските жртви од крвавата пукотница во Париз.

Освен двајцата Белгијци и двајцата Романци, за кои веќе беше соопштено помеѓу жртвите се и две сестри од Тенис, кои пристигнале во Париз за прославата на роденденот на своја пријателка.

Лондон смета дека засега помеѓу жртвите е и еден британски државјанин. Помеѓу убиените е и 63-годишен Португалец, кој живее во Париз и работи во јавниот транспорт, двајца шведски државјани и еден Шпанец, кој бил на концертот во салата „Батаклан“.

Бројот на жртвите од нападите во Париз се искачи на 129.

Досега се соопштуваше за 128 убиени. Од 352-та повредени во критична состојба се наоѓаат 99 лица. Според Моленс бројот на жртвите може да се зголеми.