Американскиот претседател Доналд Трамп изјави во вторникот дека ќе купи нов автомобил Tesla за да му покаже поддршка на производителот на електрични автомобили и сојузник Илон Маск поради неодамнешните протести против Tesla и падот на цената на акциите на компанијата. Улогата на Маск во големите отпуштања во редовите на владината администрација на Трамп доведе до протести во САД против Тесла.

Околу 350 демонстранти демонстрираа пред застапништвото за електрични возила на Tesla во Портланд, Орегон, минатата недела, додека девет лица беа уапсени за време на протестите кои излегоа од контрола пред застапништвото на Tesla во Њујорк претходно во март. Маск го предводи таканаречениот Оддел за владина ефикасност (DOGE) на администрацијата на Трамп.

Во објава на својата социјална мрежа „Вистина“, Трамп го бранеше Маск, велејќи дека „се ставил себеси таму“ за да и помогне на земјата и дека прави „фантастична“ работа. „Утре наутро ќе купам сосема нова Tesla како знак на доверба и поддршка за Илон Маск, навистина голем Американец“, рече Трамп.

Маск му се заблагодари на претседателот за поддршката на неговата социјална мрежа X. Вредноста на Тесла е повеќе од преполовена откако достигна историски максимум од 1,5 трилиони долари на 17 декември, откако Маск помогна во финансирањето на изборната победа на американскиот претседател Доналд Трамп.

Падот на акциите од декември произлегува од падот на продажбата на возила и профитот, протестите поради политичката активност на Маск и загриженоста на инвеститорите дека политиката го одвлекува вниманието на најбогатиот човек во светот од гриѓата за својата „златна кокошка“, пишува Ројтерс.