Со работа денеска прекина еден од најголемите тур-оператори во Санкт Петерсбург - „Солвекс турне“, објави Рускиот сојуз на туристичката индустрија. Причина е банкротот на компанијата. Во странство во моментот се наоѓаат околу 9.000 туристи на Солвекс турне, од кои најголем дел се во Бугарија и Грција. Уште речиси исто толку уплатиле туристички аранжмани преку оваа компанија до Нова година. „Солвекс турне“ е само еден од серијата руски тур-оператори кои банкротираа летово, оставајќи илјадници руски туристи заглавени во туристичките одморалишта низ светот и без сигурна опција да се вратат во Русија.