Рускиот министер за надворешни работи Сергеј Лавров ги демантираше шпекулациите дека претседателот на Русија, Владимир Путин е болен.

-  Мислам дека нормалните луѓе не можат да видат кај оваа личност знаци на некоја болест или болест - рече Лавров, пренесува Гардијан.

Лавров рече дека Путин, кој во октомври ќе наполни 70 години, секојдневно се појавува во јавноста.

-  Можете да го гледате на екраните, да ги читате и слушате неговите говори. Тоа го оставам на совеста на оние кои шират такви гласини - рече Лавров.

Претходните денови беа објавени неколку теории за здравјето на првиот човек на Русија, меѓу кои и онаа дека бил опериран од рак, па дури и наводни проценки дека му останале уште две-три години живот.

Сепак, здравјето и приватниот живот на Путин се табу теми во Русија и за нив речиси никогаш не се зборува во јавноста.