Германија во четвртокот имаше рекорден број на нови инфекции со коронавирус, со 50.196 нови случаи за 24 часа, што е знак за силата на овој бран епидемии што ја зафати земјата, објави Институтот Роберт Кох.

Ова е првпат од почетокот на пандемијата да биде надминат прагот од 50.000 нови случаи за еден ден. Бројот на загинати за 24 часа е 235.

Во средата, канцеларката во заминување Ангела Меркел го опиша новото зајакнување на епидемијата во земјата како „драматично“, што е особено забележливо од октомври.

„Пандемијата повторно се шири на спектакуларен начин“, рече нејзиниот портпарол, повикувајќи ги регионалните власти, кои се задолжени за здравствените прашања, повторно да воведат мерки за да ја стават ситуацијата под контрола.

Притисокот истовремено се зголеми и на одделенијата за интензивна нега и на целиот болнички систем.

Зголемувањето на бројот на случаи се припишува првенствено на релативно нискиот опфат со вакцинација кај германското население од околу 67 проценти.

Неколку најтешко погодени земји, како Саксонија и Баварија, а од неодамна и Берлин, воведоа нови ограничувања за невакцинираните луѓе најтешко погодени во овој бран пандемии.

Од понеделник, Берлин ќе им забрани на невакцинираните лица да пристапуваат во ресторани без тераси, барови, спортски сали и фризерски салони.

Негативниот тест повеќе нема да дозволи влез на овие јавни места доколку лицето не е вакцинирано или не може да докаже дека закрепнало од болеста.

Вкупно 4,9 милиони луѓе се заразени во Германија од почетокот на пандемијата.

foto: fejsbuk