Од денес започна да функционира новата независна меѓународна рејтинг агенција „Universal Credit Rating Group“, која ќе биде директен конкурент на т.н. света тројка -„ Moody's“, „Standard & Poor's“ и „Fitch“, соопштува АП. Агенцијата е со седиште во Хонг Конг, а е основана од рејтинг компании од Русија, Кина и САД. Трите светски рејтинг агенции беа обвинувани повеќепати за време на финансиската криза, дека помагаат на хаосот, особено поставувајќи високи нивоа за хипотека и други кредити, кои не се совпаѓаат со реалната ситуација. „Universal Credit Rating Group“ е формирана од кинеската „Dagong Global Credit Rating“, руската „RusRating“ и американската„Egan-Jones Ratings Company“ со цел подобрување на објективноста при оценувањето на економските процеси во светот.