Луѓето ширум светот ја изгубија вербата во важноста на вакцините за децата против смртоносните болести, како што се мали сипаници и детска парализа, за време на пандемијата Ковид-19, предупреди Детскиот фонд на Обединетите нации (УНИЦЕФ) во новиот извештај.

Според извештајот, 67 милиони деца пропуштиле една или повеќе потенцијално спасувачки вакцини за време на пандемијата, а напорите да се израмни досега беа застојани и покрај растечките епидемии.

Во 52 од 55 анкетирани земји, јавниот интерес за детските вакцини опадна во периодот од 2019 до 2021 година, објави агенцијата на ОН, пренесува Ројтерс.

Податоците се загрижувачки и предупредувачки сигнал за растечката неодлучност за вакцинацијата поради дезинформации, намалена доверба во владите и политичка поларизација, соопшти УНИЦЕФ.

Не можеме да дозволиме довербата во рутинската имунизација да стане уште една жртва на пандемијата, рече Кетрин Расел, извршен директор на УНИЦЕФ во изјавата.

Според главниот годишен извештај на УНИЦЕФ „Состојбата на децата во светот“, ситуацијата со довербата во вакцините варираше низ целиот свет, а и покрај падот на довербата, повеќе од 80 отсто од испитаниците во речиси половина од испитаните земји сè уште мислат дека вакцините за децата се важни, пишува Ројтерс.

Фото: EPA-EFE/CHAMILA KARUNARATHNE