„Не“ на анти-мигрантскиот референдум во Унгарија победи. Првата анкета во земја од ЕУ за населување на бегалците сепак не успеа бидејќи одѕивот бил под 50%.

Според анкета на „Незопонт“ околу 95 отсто од оние кои учествувале на референдумот во Унгарија ги отфрлиле квотите на ЕУ за населување на бегалците, но гласањето ќе биде невалидно. Студијата се базира на анкета меѓу 1.000 Унгарци и покажува дека околу 3,2 милиони гласачи ги отфрлија бегалските квоти, а 168.000 гласале позитивно.

Пратеникот Гергана Дулаш од владејачката партија ФИДЕС-Унгарскиот граѓанскиот сојуз, вели дека одѕивот најверојатно бил околу 45 проценти.

За да биде валиден резултатот од сенародното анкетирање, активноста мора да биде 50 проценти плус 1 глас.

До 13 часот гласале 23,56 отсто од избирачите. За споредба на парламентарните избори во 2014 година кон средината на денот активноста беше речиси 34 проценти.

Претседателот на десничарската партија Јобик Габор Вона предупреди порано во текот на денот, дека ако референдумот биде прогласен за неуспешен, ќе излезе дека земјата едноставно потрошила 10 милијарди форинти (околу 36 милиони долари) за „испитување на јавното мислење“.

Според Вона во овој случај Унгарија нема да може да се откаже од квотите на ЕУ за прием на бегалци и референдумот ќе се претвори во „адут во рацете на Брисел“.

Затоа ќе биде подобро премиерот да поднесе оставка, смета лидерот на Јобик.

Во текот на денот премиерот Виктор Орбан изјави дека ќе се повлече ако победат приврзаниците на населувањето на бегалци во Унгарија.