Амбасадорот на Украина во Србија, Олександар Александрович, изјави дека Украина и Русија имале одлични односи и во 2013 година, но дека и тоа не било гаранција за мир и одржување на неутралност, а рускиот претседател Владимир Путин го нарече „будала“.

Амбасадорот Александровиќ изјави и дека очекува Србија по денешната седница на Советот за национална безбедност да ја осуди руската инвазија на неговата земја.

„Јас сум трпелив и го разбирам тоа прашање. Имам голема надеж дека Србија ќе ја осуди руската агресија. Ние го признаваме суверениот интегритет на Србија и не го признаваме т.н Косово. Србија е независна земја, но во такви околности, кога се води ваква отворена војна и умираат цивили, не можете да бидете неутрални. Украина во 1999 година најостро го осуди нападот на НАТО врз Србија“, изјави амбасадорот на Украина во утринската програма на Телевизија Курир.

Александрович истакна дека Украина е подготвена за преговори.

„Мислам дека колку подолго Украина се брани, толку се поголеми шансите за мир и дипломатија. Интересно е што тоа прв го предложи Лавров, веројатно мислеле дека за неколку часа ќе го земат Киев и се останато. Сега мислат дека треба да се вратат на преговарачка маса, а за нас тоа треба да биде повлекување на руската армија од територијата на Украина“, вели Олександр Александрович.

Тој додава дека нема да има војна ако Русија престане да пука.

„Путин бара слаб противник. Ако Русија престане да пука, нема да има војна, ако Украина престане да пука, нема да има Украина. Што се однесува до неутралниот статус што го споменува, тоа не не спаси ниту во 2013 година. Имавме одлични односи со Русија на Крим и не сакавме да влеземе во НАТО, и што да ти кажам. Будала“, рече амбасадорот на Украина во Србија.

Извор и фото: Курир.рс