Новоформираниот баталјон украински специјалци, составен само од доброволци, пристигнал во украинскиот град Одеса за да ја контролира ситуацијата, јавува руската агенција ИТАР-ТАСС. Украинското Министерство за внатрешни работи соопшти дека специјалната единица на Националната гарда, наречена Киев-1, веќе е распоредена во Одеса. Оваа единица е формира единствено од доброволци од украинскиот главен град, а нејзините припадници се разликуваат од останатите специјалци по тоа што носат црни униформи и „до заби“ се вооружени. Во пресметките меѓу украинските безбедносни сили и проруските сепаратисти во овој град во петокот загинаа 46 лица, а 200 беа повредени.