Портпаролот на украинската воена разузнавачка служба, Андриј Јусов, тврди дека Кремљ бара замена за рускиот претседател Владимир Путин поради зголеменото незадоволство поради војната во Украина. Путин ја започна инвазијата во февруари минатата година со цел брза победа, под претпоставка дека Украина има многу послаба војска.

Сепак, украинската одбрана се покажа посилна од очекуваното и, зајакната со западната воена помош, го запре рускиот воен напредок. Иако Путин ја задржа поддршката од граѓаните и најблиските соработници, во неколку наврати имаше критики за начинот на кој се води војната во Украина, пишува Newsweek.

„Потрагата по наследник веќе е во тек“

Јусов смета дека Кремљ во моментов бара наследник на Путин додека „кругот околу Путин се стеснува“. Тој тврди дека Путин станува „сè потоксичен“, дури и во границите на Русија. „Внатре во Кремљ има се повеќе незадоволство од она што се случува.

Перспективата, поточно геополитичката катастрофа на режимот на Путин, станува сè помрачна. Затоа, потрагата по наследникот на Путин е веќе во тек“, рече тој. Тој додаде дека Путин повеќе не е вклучен во изборот на неговиот евентуален наследник.

Русија не ги коментираше овие шпекулации

Јусов не именуваше ниту еден потенцијален кандидат за наследник на Путин. Неговите изјави на Твитер ги пренесе Антон Герашченко, советник на украинскиот министер за внатрешни работи на Украина.

Русија јавно не ги коментираше шпекулациите за потрагата по замена на Путин и останува нејасно дали замената на Путин воопшто ќе има капацитет да ги реши проблемите во руската војска. Некои критичари го обвинија Путин што ја класифицирал инвазијата како „специјална воена операција“, наместо како „војна“, со што ја ограничила способноста на војската да започне целосна мобилизација.