Украинските безбедносни сили од утрово започнаа офанзива во источниот град Славјанск, во обид да го вратат под контрола од проруските бунтовници. Во специјалната операција во која била вклучена и украинската војска, со војници и 20 хеликоптери, целосно биле блокирани пристапите до градот. Во судирите загинал еден од бунтовниците, но и еден од пилотите на хеликоптер кој бил соборен, потврди украинскиот министер за внатрешни работи Арсен Аваков. Проруските сепаратисти објавија дека успеале да урнат два украински хеликоптери, а бројот на жртвите е и поголем. http://www.youtube.com/watch?v=98RjjaYpw2E Иако операцијата официјално заврши, сепак ситуацијата во Славјанск и натаму е напната, а стигнаа и првите реакции од официјална Москва. Според портпаролот на рускиот претседател Владимир Путин, украинската офанзива задала конечен удар на напорите за мирно решение на кризата и руските власти се помалку веруваат оти такво решение е можно.