Украинците со ХИМАРС го уништија седиштето на Вагнер во Луганск - дали е убиен „готвачот на Путин“?
Украинците го уништија седиштето на Вагнер во Луганск.
Рускиот новинар Јуриј Котенок на Телеграм објави дека украинската армија го уништила седиштето на руската приватна паравоена организација Вагнер во Поспана. Вели дека украинските сили со ракетниот систем ХИМАРС го уништиле седиштето.
Во нападот наводно го убиле и Јевгениј Пригожин, еден од клучните луѓе на Вагнер. Но, за тоа нема потврда од независни извори. За него велат дека бил „готвачот на рускиот претседател Владимир Путин“.
Групата ја основал Дмитри Уткин во 2014 година како поддршка на проруските сепаратисти во источна Украина. Тој важи за краен десничар и наводно ја именувал групата според неговиот омилен композитор Рихард Вагнер. САД и други извори го споменуваат Евгени Пригожин, моќен бизнисмен близок на Путин, како главен финансиер на групата. Тој негира дека има врски со Вагнер.Платениците на Вагнер имаа важна улога во војната во Сирија и беа забележани во неколку африкански држави, при што често беа обвинувани за воени злосторства и кршење на човекови права.
Слично
Поврзани вести
