По налог на украинската Влада, од три украински града - Киев, Днипропетровск и Харков кон истокот на земјата тргна 71 камион со речиси 800 тони хуманитарна помош за граѓаните на областите околу Доњецк и Луганск, изјави портпаролот на украинскиот Совет за национална безбедност Андриј Лисенко. Хуманитарната помош ја сочинуваат храна, вода, медицински материјали, производи за хигиена, како и други средства неопходни за граѓаните во источна Украина. Украинските власти и натаму одбиваат да го пропуштат конвојот со руска хуманитарна помош за источните украински области, стравувајќи дека тој е само параван за руска воена интервенција во земјата.