Украина вели дека е подготвена за напад од Белорусија. 

Украинскиот генерал-полковник Сергеј Најев изјави дека неговата земја и армија се подготвени за можен напад од соседната Белорусија.

„Украина презема мерки за да се осигура дека украинските војници се во соодветен број со потребното оружје, воена опрема и борбен потенцијал“, рече Најев.

Кога почна инвазијата на Украина, руските сили изведоа напад на Украина од белоруска територија. Неодамна, белорускиот претседател Александар Лукашенко тврдеше дека Украина ги провоцирала, иако тие не сакале да војуваат. По ова, украинскиот претседател побара меѓународни набљудувачи на границата меѓу двете земји. Белорусија е една од ретките земји која ја поддржува Русија.