Укаринксиот премиер Арсениј Јацењук денеска наговестил дека е мала веројатноста дека Киев ќе успее да поврати дел од Русија, Крим, наскоро, но ветил дека полуостровот ќе се врати во состав на Украина еден ден.

Тој на официјалната конференција за медиумите во 2014, во Киев рекол дека доколку сегашната генерација „Украинци не го вратат Крим под контрола на Киев, тогаш нашите деца или внуци ќе го вратат“.

Јацењук рекол дека нема „брз и одговорен одговор“ на прашањето за тоа како Украина може да го поврати црноморскиот регион, кој кон Русија е приспоен во март.

Украинскиот премиер рекол дека и билатералната трговија помеѓу Украина и Русија  паднала за 50 посто во 2014, а дека многу наскоро“ Русија повеќе нема да биде украински топ трговски партнер.

Јацењук ја обвинува Москва за падот во трговкста размена помеѓу двете земји.