Специјален статус на рускиот јазик и поголема автономија на регионите ветуваат властите во Киев со новите уставни реформи во Украина. Премиерот Арсениј Јацењук и в.д. претседателот Олександр Турчинов во денешното заедничко ТВ обраќање ги најавија уставните измени што Владата има намера да ги реализира. Уставот треба да ја зголеми моќта на регионите и на локалните совети во земјата и да му додели специјален статус на рускиот јазик кој ќе биде заштитен. Јацењук повика на национално единство и апелираше граѓаните да се воздржат од насилство. Тој исто така го повика парламентот да донесе закон за амнестија на учесниците во протестите во источниот дел на земјата, кои сега се во притво