Украина се приближила во однос на условите во врска со Крим и републиките во Донбас, вели рускиот шеф на дипломатијата, Сергеј Лавров. 

„Постои напредок, пред сѐ во однос на неможноста Украина да стане членка на НАТО. Исто така, видовме многу повеќе разбирање за реалноста. Мислам на ситуацијата со Крим и Донбас“, рече Лавров. 

За време на мировните преговори во Истанбул во вторникот, украинскиот тим предложи да се одржат одделни преговори за статусот на Крим во текот на 15 години. Сепак, тие одбија да го признаат полуостровот како дел од Русија или да ги признаат двете републики од Донбас како независни држави.

Крим гласаше за напуштање на Украина и приклучување кон Русија веднаш по државниот удар во Киев во 2014 година. Донбасските републики Доњецк и Луганск се отцепија од Украина истата година.

Кремљ претходно соопшти дека враќањето на Крим во Украина е невозможно.