Украинските власти го уапсија Вјачеслав Бохуслаев, шефот на Мотор Сич, еден од најголемите светски производители на авионски мотори со седиште во Запорожје, за соработка со Русија, објави Киев Индипендент.

Украинската служба за безбедност тврди дека претпоставениот го помагал снабдувањето на Русија со опрема за воени авиони“. Уапсен е и шефот на одделот за економски активности со други земји.

Двајцата наводно соработувале со руската државна одбранбена компанија „Ростек“, еден од главните производители на оружје за руската армија. Според СБУ, тие двајца „воспоставиле транснационални канали за нелегално снабдување на руски воени авиони со мотори на украински авиони“. 

Русија ја користела набавената опрема за производство и поправка на своите борбени хеликоптери Ка-52, Ми-28 и Ми-8 за потоа масовно да користи такви хеликоптери во нападите врз Украина.