Советот на Европската унија донесе одлука за суспендирање на договорот за визно олеснување со Русија. Одлуката ќе се спроведува од 12 септември, а се смета за еден вид санкција поради воената интервенција на Русија во Украина. Со тоа се укинуваат визните олеснувања на сите руски граѓани, кои инаку досега важеа од 2007.

„Следствено, општите правила на визниот код ќе важат за руските граѓани“, се наведува во соопштението на Советот на Европската унија, пренесе агенцијата Фена.

Укинувањето на либерализацијата значи зголемување на таксите за аплицирање за виза од 35 на 80 евра, потреба од поднесување дополнителни документи, продолжено време за обработка на визите и порестриктивни правила за визи со повеќекратни влезови.

„Договорот за филиционен на визниот режим обезбедува привилегиран пристап до ЕУ за граѓаните од доверливи партнери со кои споделуваме заеднички интереси. Со својата неиспровоцирана и неоправдана агресивна војна, вклучително и неселективни напади врз цивили, Русија ја изневери оваа доверба и ги изложи основните опасности на нашата меѓународна заедница“, се вели во соопштението.