Човекот кој го изврши нападот во ноќниот клуб во градот Орландо во САД, два пати бил на аџилак во светите муслимански места во Саудиска Арабија.

Омар Матин е човекот кој вчера уби најмалку 50 луѓе во Орландо, Флорида. Матин е одговорен за најголемото масовно убиство во американската историја, а непосредно пред нападот и телефонирал на полицијата при што и изразил лојалност на „Исламска држава“.

Носел повеќе оружја и кога влегол во клубот почнал да пука, по што околу три часа држел неколкумина заложници. Американскиот претседател Барак Обама го осуди нападот, оценувајќи го за „акт на терор и на омраза“.

Матин е со авганистанско потекло и е на возраст од 29 години.