Дилан Руф (21 година), кој беше уапсен за убиството на 9 луѓе во црква на афроамериканците во Чарлстон, Северна Каролина, се жалел дека „црните го заземале светот“ и „некој треба да направи нешто за белата раса“.

Тоа го раскажал за „АП“ неговиот поранешен пријател Џои Миик, кој разговарал со него неколку недели пред нападот на црквата.

Тој се поврзал со ФБИ откако го препознал Дилан на сликата од безбедносна камера на црквата. Далтон Тајлер - цимер на Руф, изјавил дека тој бил опседнат од идејата за сегрегација и сакал да започне граѓанска војна.

Тетката на напаѓачот - Карсон Коулс, го опишал како затворено момче без работа и возачка дозвола, кое било премногу повлечено во својата соба. За последниот роденден Руф добил од својот татко 45-милиметарски пиштол и почнал да го учи да пука.

Руф бил уапсен во Шелби, Јужна Каролина, доцна во четвртокот, кога полицијата го застанала неговиот автомобил по поднесениот сигнал, по што беше префрлен со авион во Чарлстон.

Претседателот Барак Обама изјавил дека тоа се случило повторно и ја покренува темата за поседување на оружје во САД: „Во еден момент нашата земја треба да разбере дека таквите убиства не треба да се случуваат во развиени земји“.