Најмалку две лица се убиени во пукање во кампусот на Државниот универзитет на Флорида во Талахаси, јавува Anadolu Agency.

„Две лица загинаа. Уште пет лица се згрижени поради повреди“, изјави на прес-конференција шефот на оваа високообразовна институција Ричард Мекалоу.

Тој додаде дека ова е трагичен ден за Универзитетот и дека сите се скршени од насилството што се случи на кампусот. Шерифот на округот Леон, Волт Мекнил, рече дека убиецот е 20-годишниот син на неговиот заменик кој работи во одделот 18 години.

Тој бил идентификуван како Феникс Икнер и го користел оружјето на неговата мајка. Американскиот претседател Доналд Трамп изјави дека бил информиран за инцидентот.

„Тоа е срамота. Тоа е страшна работа. Ќе имаме повеќе информации за тоа подоцна“, им рече тој на новинарите.

ФБИ соопшти дека интервенира и им помага на локалните партнери за спроведување на законот.

Инаку, болницата Tallahassee Memorial HealthCare, во соопштение рече дека примила шест пациенти, еден во критична состојба, а другите во тешка состојба.