Двајца од осомничените требало да се саморазнесат, додека други учесници во планот требало да пукаат во минувачи со пиштоли.

Германската полиција уапси тројца Сиријци под сомневање дека припаѓаат на „Исламска држава" и се подготвувале за терористички напад во западниот град Дизелдорф. Двајца од уапсените влегле во земјата како бегалци во 2015 година. Тројцата осомничени се на возраст од 25, 27 и 31 година. Уапсени се во Северна Рајна-Вестфалија, Бранденбург и Баден-Вутемберг додека четвртиот осомничен на возраст од  25 години е уапсен во Франција уште во февруари.  Во последната година „Исламска држава" изврши две големи напади во срцето на Европа, во Париз и Брисел.