Руското Министерство за одбрана соопшти дека украинските сили вчера во четири наврати гранатирале руска територија на границата со Украина, пренесува руската прорежимска агенција РИА.

Украинците пукале во селата Журавлеква и Сподарјушино во Белгородската област, изјави гувернерот Вјачеслав Гладков, додавајќи дека еден жител е полесно повреден. Во двата напада беа оштетени станбени згради, соопшти руското Министерство за одбрана.

Нападот се случил и во селото Климово, во областа Брјанск и на граничната станица Новје Јурковичи во истиот регион, тврдат Русите. Осум лица се повредени во украинскиот напад во селото, меѓу кои едно дете и една постара жена, кои се тешко повредени, соопшти руското Министерство за одбрана.

Украина не ги потврди ниту ги демантираше овие напади.