Tурција ги заострува мерките кон Русија и ги менува правилата за издавање дозволи за руските новинари на турска територија.

Поради тоа, новинарите на телевизијата „Русија 1“ биле уапсени во понеделникот на југоистокот од Турција.

 Руските новинари се подготвувале за истрага околу наводната вмешаност на Турција во трговијата на нафта со Исламска држава.

Како што кажуваат новинарите, веднаш откако ја преминале границата ним им било речено дека „ги блокирале турските безбедносни сили” и им било наредено да ги тргнат камерите.

Инаку, со новите правила што ги воведе Турција за руските новинари, тие за да работат на турска територија треба до амбасадата во Москва да достават повеќе документи, вклучувајќи и писмо на турски и англиски јазик, местото, времетраењето и целта на посетата, како и имиња на оние со кои би правели интервју.

Овие санкции се реакција на заострените мерки од страна на Русија, која по соборувањето на авионот започна изолациона политика кон Турција.