И покрај спорот меѓу двете земји, Турција е подготвена да ги обнови доставките на електрична енергија за Сирија , изјави турскиот министер за енергетика Танер Јилдиз, кој посочи дека сега најголем проблем е тоа што војната во соседната земја уништила голем дел од инфраструктурата.

„Можеме да ја обновиме доставата на електрична енергија за Сирија, доколку земјата тоа го побара. Сирија сепак не изразила таква желба, ниту има соодветна инфраструктура за да купува струја“, рече Јилдиз.

Турски претставници соопштија во октомври дека Сирија ја блокирала доставата  на струја од Турција поради дефекти во електричната мрежа. Инаку Анкара доставува околу 20% од сириската електрична енергија.