Северна Кореја секогаш е интересна за истражување поради нејзината мистериозност и изолираност од другите земји во светот. Новинарот на Huffington Post, Ерик Ценг,  поминал седум дена во оваа земја и напишал статија за неговата авантура.

Тој пишува дека уште кога пристигнал во Северна Кореја најчудно му било што како турист бил под 24-часовно набљудување.

„Немате слобода и постојано чувствувате тензија. Чувството започнува со самото пристигнување кога ќе ве упатат во правилата на кои треба да се придржувате.” – пишува Ценг.

Правила за туристи кои мора да ги почитувате:

- Секогаш мора да патувате во група

-Не смеете да се шетате низ целиот град сами

-Дефинитивно не е дозволено напуштање на хотелот навечер или истражување на градот самостојно.

-Не смее да ги фотографирате воените локалитети или војската.

Не смее да се фотографираат градилишта или луѓе кои работат. Владата сака светот да види дека нивната земја е чиста слика за перфекција.

- Ако сликате некои од Драгите Водачи, мора да ја опфатите целата нивна фигура. Не смеете да исечете ни еден дел од нивното тело.

- Кога и да посетите статуа на Драгиот Водач вашата група мора да формира ред пред неа и да се поклони. Рацете мора да ви бидат покрај телото, а не во џеповите или зад грб.

Новинарот пишува дека првата работа која се забележува во Северна Кореја е пропагандата.

„Таа е насекаде. Секаде се наоѓаат портрети на Драгиот Водач на нацијата.Низ улиците возат комбија која со разглас кажуваат пропагандни пораки, а во 6.30 ќе ве разбуди пропагандна музика која ечи низ улиците. Сите фабрики и државни згради со постери од водачот и од внатре и од надвор. Истото се однесува и на училиштата.” – раскажува Ценг.

Тој вели дека Пјонгјанг е најдоброто место за живеење во Северна Кореја.

Ценг пишува дека градот изненадува својата развиеност, пристапноста на продавници од светски ранг, забавни паркови и подземни железници кои дишат во советски стил.