Нафтата продолжува да поевтинува и во вторникот, и уште уште еднаш го достигна 12-годишниот минимум, а многумина аналитичари предвидуваат уште падови, пишува „WBPonline“.

Околу 9:37 часот американската лесна сурова нафта се тргуваше со пад од 2,53% до 30,62 долари за барел, а европскиот репер Брент - со 1,69% пад до 31,05 долари за барел.

Претходно во сесијата „WTI“ поевтини до најниско ниво од декември 2003 година, а Бредот - до најниска вредност од април 2004 година. Цените сепак така и не падна под 30 долари за барел.

Подоцна денеска ќе бидат објавени податоци на Американскиот нафтен институт за резервите во САД, а најважниот извештај на владината Администрација за енергетски информации излегува во среда.

„Големи распродажби на суровината изгледа ќе продолжат во краток рок, додека на пазарот не се најде нова рамнотежа“, велат од австралиската банка „ANZ“.

Аналитичарите од „Morgan Stanley“ се сигурни дека цена од 20 долари за барел може да биде наскоро реалност, и се приклучуваат кон прогнозата на инвестициската банка „Goldman Sachs“, според која во текот на 2016 година може да се набљудуваат ниски цени. „Со оглед на континуираното поскапување на доларот, сценариото со цена од 20-25 долари е можно“, пишуваат од „Morgan Stanley“.

„WBPonline“ наведува дека од почетокот на новата година и двете клучни сорти се поевтини за околу 17%. Според „Barclays“ нивната просечна цена во 2016 година ќе биде 37 долари за барел, што е далеку под претходните очекувања за 60 долари за „Brent“ и 56 долари при „WTI“.

Најмногу песимистички прогнози засега доаѓаат од „Standard Chartered“ - 10 долари за барел.