Канадскиот премиер Џастин Трудо презеде чекор без преседан, најавувајќи замрзнување на личните банкарски сметки на демонстрантите кои се противат на епидемиските мерки поврзани со Ковид-19.

Трудо се повика на Законот за вонредни ситуации, наведувајќи дека опсегот на овие мерки ќе биде „временски ограничен“, „разумен и пропорционален“ и дека армијата нема да биде распоредена, јавува Би-Би-Си.

Според новите мерки, банките ќе можат да ги замрзнат личните сметки на сите вклучени во протестите, без потреба од судски налог.

Breaking: Democracy has died today in Canada.
Justin Trudeau is authorizing banks to unilaterally freeze accounts of Truckers and people who support the Truckers on the basis of suspicion alone, no court order required, with legal immunity. #CanadaHasFallen pic.twitter.com/ckRwE9RsYi

— Terrence K. Williams (@w_terrence) February 15, 2022

„Ова е за заштита на Канаѓаните и заштита на работните места на луѓето“, рече Трудо на вчерашната прес-конференција.

Вицепремиерката Кристи Фриленд рече дека банките ќе можат да ги замрзнат личните сметки на сите вклучени во протестите без потреба од судски налог, а исто така најави дека овластувањата на законот за „финансирање тероризам“ ќе бидат проширени за да ги опфатат криптовалутите и групното финансирање на слични платформи.

„Се работи за следење пари“, рече таа, откако хакерите објавија детали за 93.000 донации за камионџии на платформата за собирање средства „GiveSendGo“ во вкупна вредност од 8,4 милиони долари.

Trudeau brings martial law to Canada. pic.twitter.com/RsiTrChIMe

— Tucker Carlson (@TuckerCarlson) February 15, 2022

Во главниот град на Канада сѐ уште има стотици демонстранти.

Канадската полиција вчера по еднонеделна блокада ги отстрани преостанатите демонстранти од мостот „Амбасадор“ во канадскиот град Виндзор, кој е клучен граничен премин и главна рута за трговија меѓу Канада и САД.

Овие протести најпрво започнаа како „востание“ на камионџиите против новото правило дека мора да се вакцинираат за да ја поминат американско-канадската граница, за брзо да се претворат во широки демонстрации против ограничувањата за Ковид.

фото: принтскрин Твитер