САД и натаму ја држат водечката позиција во светот во вооружување, а воената индустрија на американците уште им носи богатство.

Така, во една година како 2013 на пример, од продажба на оружје САД заработија над 26,7 милијарди долари, а во 2014 година го зголемиле овој показател на 36,2 милијарди. Порастот се објаснува со големите договори со Катар, Саудиска Арабија и Јужна Кореја. На тој начин, САД контролираат 50 проценти од светскиот пазар на оружје.

Веднаш после САД, најголем производител на оружје е Русија. Во 2014 година, русите од продажба на оружје заработиле 10,2 милијарди долари (во 2013 година - 10,3 милијарди).

На трето место е Шведска со добивка од 5,5 милијарди долари. По неа следуваат Франција (4,4 милијарди) и Кина (2,2 милијарди).