Рускиот трговец со оружје, Виктор Бут кој на почетокот на декември се вратил од американски затвор во Русија го спореди своето враќање со враќањето на Донбас во Русија.

Тој во саботата учествувал на отворањето на новиот огранок на националистичката Либерално-демократска партија на Русија во Луганск, кој моментално е под руска контрола. 

„Голема благодарност до сите вас. И вие ми бевте инспирација која ми овозможи и јас да се вратам во својата татковина, како и целиот Донбас, да се вратам во Русија. Ви благодарам“, додал тој.

Бут пристапил кон Либерално-демократската партија на Русија минатиот понеделник, само неколку дена откако Русија го замени за американската кошаркарка Бритни Грајнер.

Се појавија разузнавачки информации дека рускиот претседател Владимир Путин трипати го одложувал нападот во Украина, а последен пат тоа го сторил кон средината на февруари.