Трамп за Венецуела: Не можете да имате избори, земјата треба да се опорави
Американскиот претседател Доналд Трамп изјави дека не очекува нови избори во Венецуела во следните 30 дена.
„Прво мора да ја поправиме земјата. Не можете да имате избори. Ќе потрае некое време. Мора да ја излечиме земјата додека не се опорави“, вели Трамп.
Владата на Венецуела сè уште го смета Николас Мадуро, кој беше приведен од американските сили во саботата, за легитимен претседател.
Според уставот на Венецуела, во случај на трајно отсуство на претседателот, потпретседателот ја презема функцијата и мора да организира нови избори во рок од 30 дена. Сепак е нејасно дали новото раководство ја смета моменталната ситуација за трајно отсуство.
Делси Родригес, која е потпретседателка на Мадуро од 2018 година, во понеделникот положи заклетва како вршител на должноста претседател. Врховниот суд ја овласти привремено да ги преземе должностите шеф на државата во текот на викендот.
За викендот, американските сили извршија напади во Венецуела и го заробија Мадуро и неговата сопруга.
Венецуелскиот лидер Николас Мадуро се изјасни за невин на своето прво појавување пред судот во Њујорк откако беше заробен во американска воена операција.
Мадуро, кој се соочува со обвиненија за трговија со дрога и оружје, му рече на судијата дека „сè уште е претседател на Венецуела“ и „не е виновен за ниту едно од нештата што се споменати овде“. Неговата сопруга, Силија Флорес исто вели дека е невина.foto printskrin
Слично
Поврзани вести
