Поранешниот руски претседател Дмитриј Медведев напиша на X дека американскиот претседател Доналд Трамп игра „игра so ултиматум“ za Русија и дека таков пристап би можел да доведе до војна во која ќе бидат вклучени САД. 

„Секој нов ултиматум е закана и чекор кон војна. Не меѓу Русија и Украина, туку со сопствената земја (на Трамп), напиша Медведев.

Трамп вчера изјави дека е фрустриран од неуспехот на рускиот претседател Владимир Путин да ја заврши војната во Украина и дека го намалува рокот за постигнување мировен договор од 50 на 10 до 12 дена. „Ќе поставам нов рок од околу… 10 или 12 дена од денес“, им рече Трамп на новинарите за време на состанокот со британскиот премиер Кир Стармер, најавувајќи дека ќе даде официјално соопштение вечерва или утре. „Нема причина да се чека… Едноставно не гледаме никаков напредок“, рече американскиот претседател.

Трамп одговори дека не сака да го користи зборот лажење, но додаде дека во три наврати се чинеше дека ќе постигнат договор за прекин на огнот. „Одеднаш ракети паѓаат врз Киев… зошто е тоа така?“, рече Трамп. „Се случи премногу пати и не ми се допаѓа“, додаде американскиот претседател.

Trump's playing the ultimatum game with Russia: 50 days or 10… He should remember 2 things:
1. Russia isn't Israel or even Iran.
2. Each new ultimatum is a threat and a step towards war. Not between Russia and Ukraine, but with his own country. Don't go down the Sleepy Joe road!

— Dmitry Medvedev (@MedvedevRussiaE) July 28, 2025