Гувернерот на Минесота, Тим Волц, денеска изјави дека претседателот на САД, Доналд Трамп се согласил да размисли за намалување на бројот на федерални агенти во државата и дека ветил дека ќе разговара со неговиот Оддел за внатрешна безбедност за да се осигури дека државните службеници можат да го истражат пукањето што се случи во саботата, објавија американските медиуми.

Двајцата службеници разговараа денеска по телефон, а Трамп оцени дека тоа бил „добар разговор“. 

Според канцеларијата на гувернерот на Минесота, Волц му рекол на Трамп дека „потребна е непристрасна истрага за пукањата во Минеаполис во кои се вклучени федерални агенти и дека бројот на федерални агенти во Минесота мора да се намали“.

Канцеларијата на Волц соопшти дека претседателот се согласил да разговара со Одделот за внатрешна безбедност за да „се осигури дека Бирото за кривични истраги на Минесота може да спроведе независна истрага, како што инаку би го сторило тоа“.

foto printskrin youtube