Американскиот претседател Доналд Трамп објави две фотографии изработени со вештачка интелигенција на својата социјална мрежа Truth Social, кои веднаш предизвикаа реакции во јавноста.

На првата фотографија, Трамп е прикажан како религиозна фигура што со рака „лекува“ болен човек, додека од него зрачи светлина. Околу него се наоѓаат војници, медицински персонал и цивили, а во позадина се гледаат американско знаме, борбени авиони и орли. Над сцената лебдат фигури налик на воини.

Целата сцена потсетува на класични религиозни прикази на исцелување, а Трамп е прикажан во црвен плашт и бела туника – симболи кои традиционално се поврзуваат со Исус Христос.

Објавата доаѓа кратко откако Трамп јавно го критикуваше папата Папа Лав XIV, нарекувајќи го „слаб“ во однос на криминалот и „лош“ во водењето на надворешната политика.

Втората фотографија прикажува луксузен облакодер со натпис „Trump“ поставен на површината на Месечината, што е алузија на неговото деловно царство со недвижности ширум светот.

Фотографиите предизвикаа бројни реакции на социјалните мрежи, при што дел од јавноста ги оцени како провокативни, а други како дел од неговиот препознатлив медиумски настап.