Податоците на здравствените служби покажуваат дека во Соединетите Американски Држави помина пикот на пандемијата на коронавирусот, изјави синоќа американскиот претседател Доналд Трамп. Ова е момент, рече Трамп, кој го отвора патот за идните планови за повторно отворање на земјата. 

Оценува дека податоците што се доставени од страна на здравствените служби се охрабрувачки и овозможуваат да се дадат насоки за ублажување на мерките. Тие главно ќе се однесуваат на социјалното дистанцирање онаму каде пренесувањето на коорнавирусот е на ниско ниво, но нема да има олабавување на мерките во државите и градовите кои се најпогодени од Ковид-19. 

Главен збор, сепак ќе имаат гувернерите на сојузните држави за тоа кога и како ќе почнат со ублажување на рестрикциите.