Конгресот на американските републиканци го номинираше Доналд Трамп за кандидат за претседател, пренесе Ројтерс.

Тоа се случи по гласањето, како резултат на што стана јасно дека Трамп ја добил поддршката на мнозинството од делегатите (односно поддршката на 1237 делегати). При гласањето делегатите од сите Американски Држави станаа на нозе и ги објавија резултатите од првичните избори и партиските собранија, кои се оддржаа на нивна територија претходно оваа година. За државата Њујорк резултатите беа објавени од синот на Трамп - Доналд Трамп Џуниор во присуство на неговиот брат Ерик и на неговите две сестри Иванка и Тифани. После Доналд Џуниор извика: „Честитки тато, ние те сакаме“.

На Twitter Трамп напиша дека за него е голема чест да е кандидат за претседател на Републиканската партија, пренесе AFP.

Денес делегатите на конгресот го одобрија и гувернерот на државата Индијана Мајк Пенс за кандидат за потпретседател на Трамп, додава агенцијата.

Во понеделникот во првиот ден на конгресот на републиканците делегатите примија партиска платформа. Во неа Републиканската партија го затега тонот против Кина, наведува AP.

Во документот се вели дека територијалните претензии на Кина во Јужното Кинеско Море се смешни, дека во земјата етничките малцинства се изложени на културен геноцид и дека култот кон кинескиот комунистички лидер Мао Це Тунг се враќа во Кина. Во платформата се вели и дека на Кина не треба да и се дозволи повеќе да манипулира со валутата и се предупредува дека ако САД бидат предводен од републикански претседател, тој ќе воведе компензаторни царини против земји кои не тргуваат чесно.

Истовремено ново анкетирање на јавното мислење на Ројтерс и Ипсос покажува дека предноста на Хилари Клинтон пред Трамп се намалува. Според анкетата минатата недела разликата во корист на демократката Клинтон била од 15 проценти, а сега е само од 7 проценти. За Клинтон би гласале 43 проценти од испитаниците, а за Трамп - 36 проценти.